საფრანგეთის ნაკრების წინააღმდეგ „უეფას“ ერთა ლიგის ფარგლებში გამართული მატჩი განსაკუთრებული გამოდგა ლუკა მოდრიჩისათვის.

36 წლის ნახევარმცველი ეროვნული გუნდის რიგებში უკვე 150 შეხვედრას მოითვლის, რაც უნიკალური შედეგია ხორვატიის საფეხბურთო ისტორიაში. „მამლებთან“ შერკინების დაწყებამდე, ფედერაციის წარმომადგენლებმა ლუკას სიმბოლური მაისური გადასცეს, ხოლო სტადიონზე შეკრებილმა ადგილობრივმა გულშემატკივრებმა კი თბილი დახვედრა მოუწყვეს მას.

ჩატარებული თამაშების რაოდენობით, მოდრიჩის უკან დარიო სრნა (134) და სტიპე პლეტიკოსა (114) მოდიან.