„რაიო ვალეკანოში“ მყოფი ფრან გარსია, რომელიც „რეალს“ შესანიშნავად იცნობს და „ბლანკოსი“ მისი სატრანსფერო უფლებების 50%-ს ფლობს, კვლავ არის კარლო ანჩელოტის რადარზე...

მიუხედავად ანტონიო რუდიგერის ტრანსფერისა, „ბლანკოსი“ დაცვის გაძლიერებაზე მაინც ფიქრობს და მიიჩნევს, რომ ფრანი მზად არის უმაღლეს დონეზე სათამაშოდ.

ფლორენტინო პერესს სულ რაღაც 5 მილიონი ევროს გადახდა დასჭირდება იმისათვის, რომ ახალგაზრდა მადრიდისტა ბერნაბეუზე დააბრუნოს.

22 წლის გარსიას „რაიოსთან“ მოქმედი ხელშეკრულება 2025 წლის ზაფხულში ეწურება, მაგრამ „რეალს“ მისი დაბრუნება ამ ზაფხულსაც შეუძლია და 2023 წლის 31 აგვისტომდეც.

ფეხბურთელმა ლა ლიგის გასულ სეზონში შესაძლო 38-იდან 34 მატჩში მიიღო მონაწილეობა, სადაც 89%-ში სასტარტო შემადგენლობაში გახლდათ.