კარიმ ბენზემას მარსელო ვიეირას შესახებ ჰკითხეს. ბრაზილიელმა „ბლანკოსის“ მაისურით 25 ტიტული მოიგო და ამ მხრივ ისტორიაში შევიდა...

„დიახ, ის ნამდვილი ლეგენდაა, რომელმაც 15 წელიწადზე მეტი ხნის განმავლობაში იასპარეზა სამეფო კლუბის რიგებში და 25 ტიტული მოიგო.“

„ვოცნებობ, რომ ეს ციფრები გავაუმჯობესო და კიდევ უფრო შთამბეჭდავი გავხადო.“

„წინ არის ევროპისა და ესპანეთის სუპერთასები, ასევე მსოფლიო საკლუბო ჩემპიონატი და მთავარი ტურნირები. „რეალი“ მომდევნო სეზონშიც უმაღლესი ჯილდოებისთვის იბრძოლებს.“

შეგახსენებთ, კარიმი „ბლანკოსში“ 22 ტიტულს მოითვლის, აქედან 5 ჩემპიონთა ლიგაა, 3 ევროპის სუპერთასი, 4 ლა ლიგა, 4 ესპანეთის სუპერთასი, 4 მსოფლიო საკლუბო ჩემპიონატი და 2 სამეფო თასი.