მადრიდის „რეალი“ ოფიციალურ განცხადებას ავრცელებს!

„იმ სამწუხარო მოვლენების გათვალისწინებით, რომელიც 28 მაისს მოხდა, როგორც „სტად დე ფრანსის“ მისადგომებთან, ასევე სტადიონის შიდა ტერიტორიაზე, მადრიდის „რეალს“ სურს შემდეგი განაცხადოს თავისი გულშემატკივრების დასაცავად, რომლებიც აღნიშნული პროცესების მსხვერპლი გახდნენ:

1. გვინდა ვიცოდეთ, რა იყო მიზეზი, ფინალის სწორედ ამ საფეხბურთო არენაზე ჩატარებისა და რა ზომები იქნება მიღებული მომხდარი ამბების შემდეგ;

2. ანალოგიურად ვითხოვთ პასუხებსა და ახსნას, თუ ვინ იღებს პასუხისმგებლობას ქომაგების უმწეოდ და დაუცველად დატოვებაზე. ზოგიერი მათგანი ქცევა მთელი ამ პერიოდის განმავლობაში სამაგალითო იყო;

მოვლენები, რომლებიც თამაშზე დამსწრე ყველა გულშემატივარისათვის ფეხბურთის ზეიმი უნდა ყოფილიყო, სამწუხარო შედეგებით დასრულდა, რამაც მთელი მსოფლიოს აღშფოთება გამოიწვია.

როგორც მედიის მიერ წარმოდგენილი კადრებიდანაც ნათლად ჩანს, ბევრი გულშემატკივარი სასტიკ თავდასხმას, შევიწროვებასა და ძარცვას განიცდიდა. ეს პროცესები გაგრძელდა მაშინაც, როდესაც ადამიანები მანქანებით და ავტობუსებით გადაადგილდებოდნენ. ამ ყველაფერმა ხიფათი შეუქმნა მათ ფიზიკურ ხელშეუხებლობას. რამდენიმე გულშემატკივარს მიღებული ტრავმების გამო ღამის გატარება ჰოსპიტალშიც კი მოუწია.

ფეხბურთმა მსოფლიოს ანახა სურათი, რომელიც შორს არის იმ ღირებულებებისა და ფასეულობისგან, რომლის მიმდევარიც უნდა იყოს თვითონ.

ჩვენი გულშემატკივრები და ფანები იმსახურებენ სიტუაციის ახსნას, რათა მსგავსი მოვლენები, რომელსაც შევეჩეხეთ, სამუდამოდ გაქრეს ფეხბურთიდან და სპორტიდან.“