ანტონიო რუდიგერის პრეზენტაცია „რეალის“ რიგებში 20 ივნისს შედგება. ის 4 წლიან კონტრაქტს მოაწერს ხელს.

გავრცელებული ინფორმაციით, გერმანელი მცველის ყოველწლიური ანაზღაურება 7 მლნ. ევრო იქნება, თუმცა ბონუსების დამსახურებით, ეს ციფრი 10 მლნ.-მდე გაიზრდება. მისი პირობებია სწორედ ისეთივეა, როგორიც დავიდ ალაბას შემთხვევაში და დიდი ალბათობით, ამგვარ შეთავაზებას მიიღებს ედერ მილიტაოც ხელშეკრულების განახლების წყალობით.

გარეთ ბეილის წასვლის შემდეგ კი, შემადგენლობის ყველაზე მაღალანაზღაურებადი ფეხბურთელის სტატუსს ედენ აზარი მოირგებს. ამ უკანასკნელის ანაღზაურება 12 მილიონს შეადგენს. მას მოჰყვებიან ბენზემა, მოდრიჩი, კროოსი, კურტუა 10-10 მილიონით. რაც შეეხება კაზემიროს, ბრაზილიელი 6 მილიონს სჯერდება.