კარლო ანჩელოტისათვის განვლილი სეზონი დიდად ნაყოფიერი გამოდგა. იტალიელმა სპეციალისტმა მეოთხედ მოიგო ჩემპიონთა ლიგა, რაც უნიკალური მიღწევა. მან სოციალური ქსელის მეშვეობით ქომაგებს მიმართა.

„გამარჯობა, მადრიდისტებო. მინდა მადლობა გადაგიხადოთ საოცარი საზეიმო დღეებისათვის, რომელიც დაუვიწყარ სეზონს მოჰყვა. ესპანეთის სუპერ თასის, ლა ლიგისა და ჩემპიონთა ლიგის მოგება თქვენი მხურვალე ქომაგობისა და ფეხბურთელების, სამწვრთნელო შტაბისა და კლუბის პერსონალის თავდაუზოგავი შრომის ნაყოფია. გუნდში უკეთესს დაბრუნებაზე ვერც ვიოცნებებდი. თუმცა ჩვენი ენთუზიაზმი და მოტივაცია აქ არ სრულდება. ახლა დროა დასვენების, რათა დავბრუნდით სათანადო ძალ-ღონით და უფრო მიზანმიმართულნი.“