მადრიდული გამოცემების ცნობით, კარლო ანჩელოტიმ ორელიენ ჩუემანის პირადად დაურეკა...

იტალიელმა სპეციალისტმა ფრანგ ფეხბურთელს პირადად გააცნო საკუთარი გეგმები და ის, თუ რამდენად მნიშვნელოვანი შეიძლება იყოს ორელიენი ახალი ფორმაციის „ბლანკოსშ“.

კარლომ მოთამაშეს აუხსნა, რომ ლუკა მოდრიჩისა და ტონი კროოსის გუნდიდან წასვლის შემდეგ სამეფო კლუბის მოედნის ცენტრი თვისობრივად შეიცვლება.

თავის მხრივ, ჩუამენიმ „პსჟ“ უარით გაისტუმრა და ყველაფერს აკეთებს ესპანეთის დედაქალაქში მოსახვედრად.

„მარკას“ ინფორმაციით, მომდევნო კვირას „ბლანკოსმა“ შესაძლოა ტრანსფერი ოფიციალურად დაადასტუროს.