საფრანგეთის დედაქალაქში მოპოვებული ჩემპიონთა ლიგის მე-14 თასის შემდეგ, „რეალის“ ფეხბურთელები სახლში დაბრუნდნენ და საზეიმო ცერემონიებისათვის ემზადებიან.

დღეს, 20:15 საათზე (თბილისის დროით), "თეთრები" „ალმუდენას კათედრალისკენ“ აიღებენ გეზს, დაახლოებით 19 საათისათვის, დედქალაქის მთავრობის შენობაში გადაინაცვლებენ, სადაც მათ მიმართვას ათასობით გულშემატკივარი დაელოდება, ხოლო 20:45 საათისათვის, ისინი მადრიდის მერიას ესტუმრებიან. შუალედში ანჩელოტის შეგირდები „სიბელესის“ მოედანზე არსებულ მონუმენტს კლუბის ატრიბუტიკას მოახვევენ და შემდეგ „სანტიაგო ბერნაბეუსკენ“ დაიძრებიან, სადაც გალა ღონისძიებაა დაგეგმილი.

გუნდის გადაადგილება სტადიონისკენ სპეციალური ღია ავტობუსით მოხდება, საიდანაც ფეხბურთელები ქალაქის ქუჩებში შეკრებილ ადამიანებს მიესალმებიან და მიულოცავენ მოპოვებულ ტიტულს.

პირდაპირი რეპორტაჟი RealMadrid TV-ზე გავა.