ედუარდო კამავინგამ სადებიუტო სეზონში მოახერხა ჩემპიონთა ლიგის ოქროს მედლის დაბევება. 19 წლის ნახევარმცველმა „ლივერპულის“ ძლევით გამოწვეული ემოციები ჟურნალისტებს გაუზიარა.

„ეს იყო წარმოუდგენელი სეზონი, არაჩვეულებრივი ბალანსი, ძალიან პოზიტიური.“

„განვლილი სეზონი ჩემთვის სადებიუტოა მადრიდული კლუბის რიგებში და მინდა გითხრათ, აქ მყოფი ფეხბურთელებისაგან ბევრი ვისწავლე. ვფიქრობ, დღეს უკეთესი მოთამაშე ვარ, ვიდრე 1 წლის წინ ვიყავი.“

„არ აქვს მნიშვნელობა ჩემს სათამაშო დროს. ყველაზე მთავარია, რომ გუნდმა ტიტული მოიგო. მე გავაგრძელებ მუშაობას.“

„უპირატესობას ვანიჭებ ექვსიანის პოზიციაზე ასპარეზობას, მცველების წინ. ამასთანავე, მომწონს რვიანის ამპლუაც. სადაც არ უნდა დამაყენოს მწვრთნელმა, ნებისმიერ შემთხვევაში საუკეთესოს გაღებას ვეცდები.“