ფედერიკო ვალვერდემ უმაღლეს დონეზე იასპარეზა „ლივერპულის“ წინაარმდეგ. ურუგვაელმა ნახევარმცველმა საგოლე პასიც ჩაითვალა აქტივში.

„ეს იყო ურთულესი დაპირისპირება დიდებულ გუნდთან. მართალია, ბევრის ატანა მოგვიწია, თუმცა დიდი სიამოვნება ვიგრძენით. თამაშამდე ისე ვნერვიულობდი, რომ საპირფარეშოში იმაზე მეტჯერ ვიყავი, ვიდრე მთელუ ცხოვრების განმავლობაში. ვეტერანმა მოთამაშეებმა მნიშვნელოვანი დახმარება გაგვიწიეს და მხარდაჭერა გამოგვიცხადეს, რისი წყალობითაც მეტად დამაჯერებლად გამოვედით მოედანზე.“

„ბევრს ვფიქრობდი დაცვის მარჯვენა ფრთის დახმარებაზე და შესაბამისად, რთული იყო სივრცის მოძიება წინ წასასვლელად. ყველაზე ნიშანდობლივია, რომ მოვიგეთ და ახლა ვაპირებ მაქსიმალური სიამოვნება მივიღო შვილთან და ოჯახთან ერთად.“