პერესი: „ის მსოფლიოში საუკეთესოა და ამიტომაც მოვიყვანეთ კლუბში“
ფლორენტინო პერესმა ჩემპიონთა ლიგის მოგების შემდეგ კომენტარი გააკეთა.
„ჩვენ გვყავს ძალიან კარგი ფეხბურთელები, ისინი იმსახურებენ შექებას. მე ვარ კმაყოფილი, როგორც დანარჩენი გულშემატკივრები. მთელი სეზონის განმავლობაში ვიბრძოდით და ვმუშაობით იმისათვის, რომ აქ ვყოფილიყავით. საერთო ჯამში კარგი წელი გამოვიდა. ჩვენ დამსახურებულად მოვიგეთ ტიტულები და ეს ფეხბურთელების, მწვრთნელებისა და ქომაგების დამსახურებაა.“
„კურტუას შთამბეჭდავი სეზონი გამოუვიდა. ტიბო ჭეშმარიტი მადრიდისტაა და ჩემთვის მსოფლიოს საუკეთესო მეკარე, სწორედ ამიტომ გადავწყვიტეთ თავის დროზე მისი გაფორმება.“
„ანჩელოტი ბწრყინვალე ლიდერია. მას კარგად ესმის ფეხბურთელების ფსიქოლოგიის, „რეალისა“ და ფეხბურთის. კარლოს თქმით, განსხვავება „რეალსა“ და სხვა კლუბებს შორის იმაში მდგომარეობს, რომ გარდა პროფესიომნალიზმისა, მოთამაშეები ნამდვილი მადრიდისტები არიან და ეს სრული სიმართლეა.“
„მადრიდი გააგრძელებს წინსვლას და აქ ყოველთვის საუკეთესოები იასპარეზებენ. მბაპე? ეს უკვე წარსულია. ფანტასტიკური სეზონი გვქონდა.“
„სახელმწიფო კლუბებს დიდი ბიუჯეტი აქვთ და შესაბამისად, საუკეთესო ფეხბურთელებს ყიდულობენ. ჩვენი მთავარი ღირებულება კი არის არა დივიდენდები, არამედ ფეხბურთის გაგება, ერთგულება, ბრძოლისუნარიანობა, სულისკვეთება, კავშირი გულშემატკივრებთან... ეს ყველაფერი დიადი სანტიაგო ბერნაბეუსგან გვერგო და ყოველთვის ვცდილობ, გავუმკლავდე იმ გამოწვევებს, რომელიც მან დაიწყო.“
- 29 მაი 2022
- 1 700
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
