კარლო ანჩელოტიმ ჩემპიონთა ლიგის ფინალური დაპირისპირება შეაჯამა.

"მოპოვებული ტიტული ყველაზე რთული გამოდგა. სეზონის განმავლობაში ის ფაქტი გვეხმარებოდა, რომ ჩვენი გამარჯვების არ სჯეროდათ, რაც დამატებით თავდაჯერებულობას, ბრძოლისუნარიანობასა და ერთგულებას გვმატებდა. კარგი ატმოსფერო შევქმენით. ინდივიდუალურმა ხარისხმა დიდი როლი ითამაშა. ნამდვილად დავიმსახურეთ ამ გათამაშების მოგება. 1/8 ფინალიდან მოყოლებული დიდი შრომა ჩავდეთ."

"ვფიქრობ, განვლილი თამაში კარგად ვმართეთ. ჩვენმა დაცვითმა ხაზმა წარმატებით იასპარეზა. როდესაც ისინი ნაკლებ პრესინგს მიმართავდნენ, უკეთესად გამოვიყურებოდით. "ლივერპულს" ბევრი მატჩი არ წაუგია ამ სეზონში."

"ჩემპიონთა ლიგის მოგება "რეალში" უფრო ადვილია, ვიდრე სხვა კლუბში და ეს ისტორიისა და გულშემატკივრების ერთგულების დამსახურებაა. ქომაგები განსაკუთრებულობით გამოირჩევიან, ისინი ბავშობიდან ჩართულნი არიან გუნდის მხარდაჭერაში. მოხარული ვარ მე-4 ტიტულის მოგებით, მაგრამ უფრო დიდ ბედნიერებას "ბლანკოსში" დაბრუნების ფაქტი მანიჭებს. შთამბეჭდავი სეზონი გამოდგა. მინდა მადლობა გადავუხადო პრეზიდენტს, ხოსე ანხელსა და ფეხბურთელებს არსებული გარემოსთვის."

"ადვილი არ არის გასახდელში მსგავსი სულისკვეთების დამკვიდრება, ვინაიდან ხშირ შემთხვევაში თავს იჩენს ეგო, ან იმ მოთამაშეების პრეტენზია, რომლებსაც ნაკლებად ეძლევათ სათამაშო დრო. ამ შემადგენლობაში მუშაობა რთული ნამდვილად არ არის. მიუხედავად ყველაფრისა, მოთამაშეები ყოველთვის სიმშვიდით გამოირჩევიან. თვირწმენა მოაქვს ისტორიას. "რეალი" აღნიშნული ტურნირის ბოლო 8 ფინალში დაუმარცხებელია, რაც არანორმალური შედეგია."

"რეალში" მუშაობის განახლება დიდი წარმატებაა ჩემთვის და სიმართლე გითხრათ, მოგებულ ტიტულებზე სულაც არ ვფიქრობ. მინდა მადლიერება გამოვხატო გულშემატკივრების მიმართ. ფინალამდე კურტუას ვუთხარი, იმ შემთხვევაში დავაყენებდი შემადგენლობა, თუ გამარჯვების მოპოვებას მოახერხებდა და მან პირობა შეასრულა. ამ კლუბისთვის უარის თქმა შეუძლებელია."

"ვინისიუსს მხოლოდ თავდაჯერებულობის მოპოვებაში დავეხმარე. მან ეპიზოდის დასრულების კომპონენტი მნიშვნელოვნად გააუმჯობესა, ხოლო დრიბლინგი ყოველთვის ძლიერი მხარე იყო. მის წინსვლაში დიდი წვლილი ბენზემამაც შეიტანა. "

"ახლა ჩემი მიზანია შვებულებაში გასვლა და შემდეგ პრე სეზონის დაწყება. ჩვენ მაქსიმალური სიამოვნება უნდა მივიღოთ შესანიშნავი სეზონისგან. ჩვენს აქტივშია 3 ტიტული."