ესპანელმა ჟურნალისტებმა „რეალისა“ და „ბეტისი“ მატჩის მსვლელობისას, სათადარიგო სკამზე მყოფი მარსელოსა და ლუკას ვასკესი საუბარი გაშიფრეს.

გავრცელებული ინფორმაციით, ბრაზილიელმა მცველმა თანაგუნდელს უთხრა, რომ „რეალი“ მისთვის კონტრაქტის გახანგრძლივებას არ აპირებს.

როგორც იცით, მარსელოს 30 ივნისს ეწურება მადრიდულ გრანდში ასპარეზობის ვადა. არსებული მომენტისათვის, კლუბსა და მოთამაშეს შორის ხელშეკრულების განახლებასთან დაკავშირებული პროცედურები არ მიმდინარეობს.