კილიან მბაპეს შემდეგ, ოურელიენ ჩუამენის სატრანსფერო საგამ აიღო სტარტი.

ახალგაზრდა ფრანგი ფეხბურთელის გადასაბირებლად, „რეალი,“ „პსჟ“ და „ლივერპული“ იბრძვიან. RMC Sport-ის ცნობით, თავად 22 წლის მოთამაშემ მომავალ კლუბად „ბლანკოსი“ აირჩია და მზად არის 5 წლიან კონტრაქტსაც მოაწეროს ხელი, თუმცა მადრიდულ და მონეგასკურ გუნდებს შორის არსებული მოლაპარაკებები ჯერ არ დასრულებულა.

განახლებული ინფორმაციით, „მონაკო“ 80 მილიონ ევროზე მეტს ითხოვს შუახაზელის სანაცვლოდ. დიდი ალბათობით, მსგავსი ციფრი რადარზე პარიზული გრანდის გამოჩენამ გამოიწვია. ალ-ხელაიფი მზად არის მორიგი ასტრონიმიული თანხის გაღებისათვის. ეს კი „რეალის“ საქმეს აჭიანურებს.