როგორც იცით, კილიან მბაპეს მრავალთვიანი საგა დასრულებულია. ფრანგმა ფეხბურთელმა პარიზულში გრანდში გადაწყვიტა დარჩენა, რასაც საფეხბურთო სამყაროში დიდი გამოხმაურება მოჰყვა.

Cuatro-ს ინფორმაციით, „პსჟ“-ს ვარსკვლავის ახლო გარემოცვა „რეალზე“ მეტად განრისხებულია. ისინი „ბლანკოსის“ წარმომადგენლებს ტყუილში ადანაშაულებენ, ვინაიდან მოთამაშესა და მადრიდულ კლუბს შორის არანაირი შეთანხმება არ ყოფილა. მბაპეს ოჯახის წევრები საჯარო განცხადების გაკეთებასაც აპირებენ, რათა უარყონ გავრცელებული ხმები. ჟურნალისტის ცნობით, არსებული ეტაპისათვის „რეალსა“ და ფეხბურთელს შორის ყოველგვარი ურთიერთობა გაწყვეტილია.