8 წელის გავიდა მას შემდეგ, რაც „რეალმა“ დიდხნიანი ლოდინის პერიოდი „ლა დესიმათი“ დაასრულა.

2014 წელს, ლისაბონში გამართულ ფინალში, „ბლანკოსმა“ დრამატულ ბრძოლაში 4-1 დაამარცხა თანაქალაქელი „ატლეტიკო.“ ეს უკანასკნელები 94:48 წუთამდე იგებდნენ, თუმცა რამოსის თავური დარტყმის შემდეგ ეპიკურ ქამბექს ჩაეყარა საფუძველი. დამატებით ტაიმებში ბეილმა, მარსელომ და რონალდუმ გამოიჩინეს თავი.

საოცარი თამაშიდან 8 სეზონის თავზე, „რეალი“ კვლავ ჩემპიონთა ლიგის გადამწყვეტ შეხვედრაში მიიღებს მონაწილეობას და საგულისხმოა, რომ მიმდინარე ფორმაციაშია 8 ფეხბურთელი ისეთი, რომელთათვისაც „ბლანკოსის“ მოთამაშის რანგში მე-5 ფინალი იქნება. ესენი არიან: კარვახალი, ნაჩო, მარსელო, კაზემირო, მოდრიჩი, ისკო, ბეილი და ბენზემა.

„ლივერპულის“ დამარცხების შემთხვევაში, ჩამოთვლილი ფეხბურთელები ხენტოს უკან დაიდებენ ბინას. ამ უკანასკნელს სამეფო კლუბის რიგებიდან 6 ჩემპიონთა თასი აქვს აღმართული.