დანიელ კარვახალი „ლივერპულთან“ ფინალურ მატჩს იმედის თვალით უყურებს და გამარჯვების სჯერა...

„მსურს მაქსიმალურად პროდუქტიული ფეხბურთი ვითამაშო და გუნდს წარმატების მიღწევაში დავეხმარო. ჩემთვის ძალიან მნიშვნელოვანი ფაქტია, რომ ჩემპიონთა ლიგის ფინალში მეხუთედ ვიმყოფები. ეს ყველაფერი დიდ მოტივაციას და შემართებას მაძლევს. სეზონი მართლაც მომქანცველი იყო, თუმცა ძლაების მოკრება და უკანასკნელი მატჩის მოგება გვმართებს.“

„ეს არის ამ კლუბის ოქროს ხანა. გავა დრო და მივხვდებით, რომ ისტორია დავწერეთ. ბოლო 8 წლის განმავლობაში 5-ჯერ გავედით ჩემპიონთა ლიგის ფინალში, ეს საოცრებაა.“

„გასახდელში ვცდილობ, ახალგაზრდებს ბევრი ვესაუბრე და მათ ფსიქოლოგიურ მიდგომებში კორექტირება შევიტანო. ფინალურ დაპირისპირებებში ნერვებს დიდი მნიშვნელობა აქვს, სადაც გამოცდილება ფასდაუდებელია.“

„„ლივერპულს“ ძალიან სწრაფი და ტექნიკური შემტევი ტრიო ჰყავს. კლოპის სამეული ყველა გუნდს დიდ პრობლემებს უქმნის, ამიტომ დაცვაში სერიოზული ყურადღება გვმართებს.“

„სახლებში, ბარებში, მოედნებსა თუ სხვა ადგილებში, ჩვენ ძალიან ბევრი ქომაგი გვეყოლება. მადრიდისტებს მადლობას ვუხდი მთელი წლის განმავლობაში გაწუელი მხარდაჭერისთვის და მჯერა, რომ მათ იმედებს გავამართლებთ. ჩვენ უნდა მოვიგოთ ჩემპიონთა ლიგა.“