ლუკა მოდრიჩმა „ლივერპულთან“ დაპირისპირებაზე ისაუბრა...

„შთამბეჭდავია, როდესაც ვიაზრებ, რომ ჩემპიონთა ლიგის ფინალში მეხუთედ უნდა ვითამაშო. იმ ფეხბურთელებს, რომელთათვისაც ეს პირველი ფინალია რჩევებს აუცილებლად გავუზიარებთ და ვეცდებით, ემოციური ფონი ნაკლები იყოს. მათ უნდა დაისვენონ და ისიამოვნონ ყოველი წუთით, რომელსაც მწვანე მინდორზე გაატარებენ.“

„როდესაც „რეალში“ თამაშობ, იძულებული ხდები ყოველთვის გამარჯვებაზე იფიქრო და ისიამოვნო იმ ჯადოსნური ღამეებით, რომელიც ბერნაბეუზე გხვდება.“

„მადლობელი ვარ, რომ ამ ასაკში კვლავ „რეალში“ თამაში შემიძლია. მთავარი ციფრები არ არის, მთავარი ფიზიკური კონდიციაა. საკუთარ თავში ღრმად ვარ დარწმუნებული და მჯერა, რომ გუნდს გამოვადგები.“

„დიდი სურვილი მაქვს, კარიერა „ბლანკოსში“ გავაგრძელო და კვლავ მოვიგო ტიტულები. მიყვარს პასუხისმგებლობის აღება და ზეწოლა, ეს ყოველთვის იყო ჩემი კარიერის თანმდევი.“

„ყველაფერს გავიღებთ ფინალის მოსაგებად. ამ ეტაპამდე ურთულესი გზა გამოვიარეთ, რისთვისაც დიდი მადლობა უნდა გადავუხადო ქომაგებს. მადრიდისტების მხარდაჭერას ბერნაბეუზე დიდი მნიშვნელობა ჰქონდა.“