ნაჩო: „ეს არის დიდი პრივილეგია“
მედიისთვის ღია კარის დღის ფარგლებში, ნაჩომ RealMadrid TV-სთან ჩემპიონთა ლიგის ფინალზე ისაუბრა.
„გამოცდილება მეტად მნიშვნელოვანია მსგავსი ტიპის მატჩებში, მაგრამ დარწმუნებული ვარ, როდრიგოს ენთუზიაზმი, რომელიც პირველ ფინალში მიიღებს მონაწილეობას, არ გადააჭარბებს ჩემსას. ეს განსაკუთრებული მოვლენა იქნება და ძალიან გვინდა გამარჯვების მოპოვება. ფინალის საგზური დამსახურებულად მოვიპოვეთ. მიმდინარე სეზონში დიდი ძალისხმევა გავიღეთ, როგორც პრიმერა დივიზიონში, ასევე ჩემპიონთა ლიგაზე, სადაც არა ერთი ისტორიული შეხვედრის მომსწრენი გავხდით. ახლა კი მხოლოდ ერთი ნაბიჯი გვაშორებს ტიტულამდე.“
„ერთ-ერთ საუკეთესო სეზონს ვატარებთ. ლა ლიგაზე მთელი ტურნირის განმავლობაში ლიდერის პოზიციაში ვიყავით. ამას ემატება „სანტიაგო ბერნაბეუზე“ ევროპული საღამოები...ამაზე ფიქრის დროსაც კი ტანში ჟრუანტელი მივლის.“
„ნებისმიერი ფეხბურთელი ინატრებდა მსგავს სიტუაციაში ყოფნას. მე ამ კლუბში გავიზარდე და ჩემთვის თითოეული თამაში განსაკუთრებულია. წარმოიდგინეთ რას ნიშნავს ჩემპიონთა ლიგის ფინალი. დიდი პრივილეგიაა ასეთი ტიპის დაპირისპირებებში მონაწილეობა და კლუბის ისტორიის კიდევ უფრო გამდიდრება.“
- 24 მაი 2022
- 640
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
