2 დღიანი დასვენების შემდეგ, სამეფო კლუბის ფეხბურთელები კვლავ „ვალდებებასზე“ შეიკრიბნენ და ჩემპიონთა ლიგის ფინალური მატჩისთვის დაიწყეს მზადების პროცესი.

განვლილ სესია ანჩელოტის შეგირდებმა ფიზიკური სავარჯიშოების შესრულებით დაიწყეს, ხოლო შემდეგ ტაქტიკურ დავალებებზე გადაერთვნენ. მიწურულს კი მინი საფეხბურთო მატჩშიც მიიღეს მონაწილეობა.

პირველი შემადგენლობის წევრებიდან, თუ არ ჩავთვლით ლუნინსა და მარიანოს, რომლებიც პირადი მიზეზით იყვნენ გათავისუფლებულნი, მხოლოდ მარსელო არ ირჯებოდა თანაგუნდელების გვერდით. მან ინდივიდუალური პროგრამით ივარჯიშა.

რაც შეეხება დავიდ ალაბას, ავსტრიელი მწყობრშია და სრული დატვირთვა მიიღო.

შეგახსენებთ, რომ „რეალისა“ და „ლივერპულის“ დაპირისპირება 28 მაისს აიღებს სტარტს.