ორელიენ ჩუამენის მომავალი მალე უნდა გადაწყდეს. ფრანგმა უკვე საბოლოოდ უარყო „პსჟ“-ს წინადადება. რადარიდან გაქრა ლონდონის „ჩელსიც“, ახლა კი მისთვის „რეალი“ და „ლივერპული“ იბრძვიან...

არაერთი გამოცემის ცნობით, ნახევარმცველის არჩევანი მადრიდის „რეალია“ და ეს „ლივერპულმაც“ იცის, თუმცა აქ მთავარი ბრძოლა „მონაკოსთან“ მიმდინარეობს, რომელსაც ფეხბურთელის სანაცვლოდ მაქსიმალურად დიდი თანხის გამომუშავება სურს.

ასევე ვრცელდება ინფორმაცია, რომლის მიხედვითაც, ორელიენს „ბლანკოსთან“ კონტრაქტის ყველა დეტალი შეთანხმებული აქვს და ტრანსფერის შემთხვევაში ის ბერნაბეუზე 2028 წლის 30 ივნისამდე დარჩება.