მაშ ასე, მადრიდის „რეალისთვის“ ლა ლიგა დასრულებულია, სხვა კლუბები კი დასკვნით დაპირისპირებას დღეს ჩაატარებენ. კარლო ანჩელოტის გუნდი 2021/22 წლების სეზონის ჩემპიონი 86 ქულით გახდა...

„მერენგებმა“ 38 დაპირისპირებაში 80 გოლი გაიტანეს და მხოლოდ 31 გაუშვეს. გამოდის, რომ თითო დაპირისპირებაში ანჩელოტის გუნდი საშუალოდ 2-ზე მცირედით მეტ გოლს იტანდა, ხოლო საკუთარ კარში 0.9-ს უშვებდა.

მოპოვებული 86 ქულიდან გუნდმა სანტიაგო ბერნაბეუზე 44 მოიპოვა, ხოლო დანარჩენი 42 გასვლით დაპირისპირებებში.

საერთო ჯამში გუნდმა შიდა ასპარეზზე 26 მატჩი მოიგო, 8 ფრედ დაასრულა და 4 წააგო.

გუნდის საუკეთესო ბომბარდირი კარიმ ბენზემაა 27 გოლით, რომელმაც ასევე „პიჩიჩის“ ჯილდოც უნდა მიიღოს, მეორე გოლეადორი კი ვინისიუს ჟუნიორი გახლავთ 17 ბურთით.