ბოლო საათების განმავლობაში მბაპესთან დაკავშირებით არა ერთი სიახლე ვრცელდება და შესაბამისად, გულშემატკივრებისათვის რთულია იმის გარკვევა, თუ რა შეესაბამება სიმართლეს და რა არა.

ფეხბურთელის დედის განცხადებით, კილიანს გარდა არავინ იცის გადაწყვეტილების შესახებ, რომელიც მიმდინარე დღეებში ფართო საზოგადოებისთვისაც გახდება ხელმისაწვდომი.

ჟურნალისტ გილემ ბალაგესა და რამდენიმე ევროპული გამოცემის ცნობით, ფლორენტინო პერესს გარკვეული საუბარი ჰქონდა შემადგენლობასთან, რა დროსაც პრეზიდენტმა ფეხბურთელებს აუწყა, რომ „სამეფო კლუბი ფრანგი ვარსკვლავის ტრანსფერს ვეღარ განახორციელებს.“

ცხადია, ამ ამბავს დიდი გამოხმაურება მოჰყვა საფეხბურთო წრეებში. რიგი მედიის ინფორმაციით, „რეალის“ პირველ პირსა და გასახდელს შორის არანაირი კომუნიკაცია არ შემდგარა.