„რეალის“ გულშემატკივრები ფრანგი ფეხბურთელის გადაწყვეტილების მოლოდინში არიან.

როგორც კილიანს დედამ დასძინა, მოთამაშეს დასრულებული აქვს მოლაპარაკების პროცესი ყველა მხარესთან („პსჟ“ და „რეალი“) და უახლოეს მომავალში ფართო აუდიტორიისათვის გახდება ცნობილი მისი არჩევანის შესახებ.

ამასთანავე, ქალბატონმა ფაიზა ლამარიმ აღნიშნა, რომ სამეფო გუნდმა მბაპეს საიმიჯო უფლებების 100 პროცენტი შეთავაზა (ამ საკითხში „პსჟ“-ს პირობა განსხვავებულია, თუმცა ანაზღაურების ოდენობა იმდენად დიდია, რომ კომპენსირება ხდება), რაც კლუბის ისტორიაში უპრეცედენტო მოვლენაა და მსგავსი პრივილეგიით, თავის დროზე არც კრიშტიანუ რონალდუს უსარგებლია. პორტუგალიელის განკარგულებაში მხოლოდ 60 პროცენტი იყო.

როგორც ჩანს, მოლაპარაკებების პროცეში მადრიდელები ყველანაირ დათმობაზე წავიდნენ და ახლა უკვე ჯერი მსოფლიოს ჩემპიონზეა, რომელსაც არა ერთხელ გაუმხელია ბავშვობის ოცნება „რეალში“ ასპარეზობის შესახებ.

არსებობს მხოლოდ 2 გზა - იყო პლანეტის ყველაზე მდიდარი ფეხბურთელი, თუ გამოიმუშავო ნაკლები და მოიპოვო უფრო მეტი ტიტული.