როგორც ჩანს, ფრანგ ფეხბურთელთან დაკავშირებული საპნის ოპერა დასასრულს უახლოვდება.

Eurosport.es-ის ექსკლუზიური ინფორმაციით, კილიან მბაპემ უარით გაისტუმრა სამეფო კლუბი და „პსჟ“-სთან აპირებს კონტრაქტის გახანგრძლივებას. ახალგაზრდა მოთამაშემ და მისმა ოჯახმა უბრალოდ უარი ვერ თქვეს ყატარელი შეიხების ბოლო შეთავაზებაზე. ხელშეკრულების განახლების შემთხვევაში, მსოფლიოს ჩემპიონი ბონუსის სახით 300 მილიონ ევროს მიიღებს, ხოლო ყოველწლიური ანაზღაურების სახით 100 მილიონს. ამასთანავე, მას ზედამხედველობა ექნება კლუბის სპორტულ პროექტებზე.

დიდი ალბათობით, კილიან მბაპე ხვალ, „მეცთან“ თამაშაშის დასრულების შემდეგ გააკეთებს განცხადებას აღნიშნულ შეთანხმებასთან დაკავშირებით.