ანტონიო რუდიგერის გამადრიდელების შემდეგ, „რეალის“ დაცვითი ხაზი ახალგაზრდა ფეხბურთელებისათვის დაიხურება.

გავრცელებული ინფორმაციით, სამეფო კლუბი ვიქტორ ჩუსტის გაყიდვას გეგმავს. ეს უკანასკნელი მიმდინარე სეზონს იჯარის წესით „კადისის“ რიგებში ატარებს, სადაც უკვე 25 შეხვედრაში მიიღო მონაწილეობა.

20 წლის ფეხბურთელის შესაძლებლობებით იტალიური „ლაციოა“ დაინტერესებული და დიდი ალბათობით, ზაფხულში მოლაპარაკებებიც დაიწყება.

ესპანეთის 21 წლამდელთა ნაკრების წევრის სატრანსფერო ფასი 4 მილიონ ევრომდე მერყეობს.