„რეალის“ იურისტებს ცხელი ზაფხული ელოდებათ წინ.

გავრცელებული ინფორმაციით, ვინისიუსის მსგავსად, კონტრაქტის განახლებასთან დაკავშირებულ შეთავაზებას როდრიგოც მიიღებს. „რეალი“ აპირებს 2027 წლის 30 ივნისამდე გაახანგრძლივოს მასთან ხელშეკრულება და ყოველწლიური ანაზღაურება დაახლოებით 7 მილიონ ევრომდე გაუზარდოს, რაც ბრაზილიელისათვის, ფაქრობრივად, გაორმაგება გამოდის. ამასთანავე, ტრანსფერის გამოსყიდვის პუნქტში ასტრონომიული ციფრი ჩაიწერება - 1 მილიარდი.

როდრიგო სეზონის გადამწყვეტ მომენტში „რეალის“ ერთ-ერთ საკვანძო ფიგურად ჩამოყალიბდა. მას ლომის წვლილი მიუძღვის იმაში, რომ მადრიდელები 28 მაისს პარიზში იასპარეზებენ.