კარლო ანჩელოტიმ „ბეტისთან“ მატჩის წინ პრესკონფერენცია გამართა...

„ეს არის მატჩი, რომელიც ლა ლიგას დაასრულებს. ვეცდებით, ინტენსიური და სანახაობრივი დაპირისპირება გამოვიდეს. „რეალის“ მიზანი აქტივში 3 ქულის ჩაწერა იქნება.“

„გარეთ ბეილი გუნდთან ერთად ვარჯიშობს, მაგრამ 100%-ით მზად არ არის. არ ვიცი, იქნება თუ არა უელსელი სათადარიგო სკამს, ამას ცოტა მოგვიანებით გადავწყვეტ.“

„ალაბა მზად არ არის, თუმცა ფინალისთვის ყველაფერს მოასწრებს. სასტარტო შემადგენლობა არ იქნება იმის იდენტური, რაც ფინალშია დაგეგმილი.“

„ბეილი, ისკო და მარსელო „ლივერპულთან“ დაპირისპირებაზე არიან ორიენტირებულნი, მათთან სხვა საუბარი არ მქონია.“

„დღეს „ბეტისზე“ ვფიქრობთ, ლა ლიგის დასრულების შემდეგ კი მთლიან ყურადღებაზე ფინალურ პაექრობაზე გადავიტანთ და ვეცდებით, რომ ყველაზე მნიშვნელოვან შერკინებას მოწოდების სიმაღლეზე შევხვდეთ, ეს ჩვენთვის მეტად მნიშვნელოვანია.“

„გიდასტურებთ, გარეთ ბეილი გუნდს ემშვიდობება. უელსელის წვლილი „ბლანკოსის“ წარმატებებში ძალიან დიდი იყო. არავინ უნდა დაივიწყოს „ლა დესიმა“, როდესაც გარეთმა საოცრებები ჩაიდინა და გუნდს გაჩემპიონებაში დაეხმარა.“

„საპატიო დერეფანი? არ ვიცი, როგორ განვითარდება მოვლენები. მათ სამეფო თასი მოიგეს და ოვაციებს იმსახურებენ. ორმაგი დერეფანი? უკვე გითხარით, რომ არ ვიცი.“

„როდესაც ქომაგები რესტორნებში მხვდებიან მბაპეზე არ მესაუბრებიან, მათ ჩემპიონთა ლიგის მოგება აინტერესებთ.“

„მე-14 ჩვენს ტვინში ტრიალებს. ვიცით, რომ გამარჯვება შეგვიძლია და ამისთვის სრულად მოვბილიზდებით.“

„დიახ, შესაძლოა ზოგიერთი უფრო მეტს საუბრობდეს კილიანზე, ვიდრე ჩემპიონთა ლიგის მოგებაზე, თუმცა უნდა აღინიშნოს, რომ ეს გასახდელში სიტუაციას არ ურევს. ჩვენ ვიცით, რა გვსურს.“

„თუ მბაპე მადრიდელი გახდება, გამოვალ და ამაზე ღიად ვისაუბრებ, ახლა ფრანგი „პსჟ“-ს რიგებში ირიცხება, ჩვენ კი ფინალზე ვფიქრობთ.“

„„ბეტისთან“ ბევრი მოთამაშე გამოჩნდება მოედანზე, რომელსაც მუდმივი პრაქტიკა არ აქვს, თუმცა გუნდისთვის სასარგებლო საქმის გაკეთება შეუძლია.“

„ისევ მბაპეზე მეკითხებით, მე კი „ლივერპულთან“ დაპირისპირებაზე გადამაქვს კონცენტრაცია.“