კილიან მბაპეს „რეალში“ გადასვლის საკითხი, ფაქტობრივად, გადაწყვეტილია.

არსებული მდგომარეობის ფონზე, გულშემატკივრები წინ იყურებიან და აინტერესებთ, თუ რა ნომრით იასპარეზებს ფრანგი ფეხბურთელი მადრიდული გრანდის რიგებში.

„პსჟ“-ში მბაპეს მაისურს „შვიდიანი“ ამშვენებს, თუმცა ამ ეტაპისათვის, „რეალში“ აზარს აქვს დაბევებული აღნიშნული ციფრი და დიდი ალბათობით, ბელგიელი შემტევი მომდევნო სეზონსაც ანჩელოტის დაქვემდებარებაში გაატარებს.

DC-ს ინფორმაციით, სურვილის შემთხვევაში, ედენი მზაობას გამოთქვამს, „შვიდიანი“ დაუთმოს გუნდის ახალწვეულს და თვითონ სხვა ნომრით გააგრძელოს ბურთაობა.