ხორხე ვალდანომ მადრიდის „რეალში“ მიმდინარე მოვლენებსა და კილიან მბაპეს ტრანსფერზე ისაუბრა...

„მბაპე ნამდვილად დიდი შენაძენი იქნება. ამ ტრანსფერს ხელს აღარაფერი შეუშლის და რაც ყველაზე მთავარია, ფეხბურთელი დიდ ოცნებას აიხდენს. კარლო ანჩელოტის შეტევაში სერიოზული ძალა შეემატება.“

„არ ვიცი, სად ითამაშებს ფრანგი, მაგრამ შეტევის მარჯვენა ფლანგზე ის ყველაზე ნაკლებპროდუქტიული იქნება. ვფიქრობ, კილიანი მარცხნიდან შეუტევს და პოზიციის შეცვლა ვინისიუს ჟუნიორს მოუწევს, რომელსაც ამ სეზონში არნახული პროგრესი აქვს.“

„ჩემთვის ზიდანის „რეალიდან“ წასვლა შოკისმომგვრელი იყო, მაგრამ ის პრინციპული ადამიანია და იცის, რომ გადაწყვეტილების მიღება დრო არ უნდა შეცვალოს.“

„ასევე საკვირველი იყო მისი დაბრუნებაც, თუმცა ფრანგმა გამოწვევა მიიღო და შესაბამისი პასუხიც გასცა. მწვრთნელობის მეორე ეტაპზე ზინედინმა სულ სხვა შემადგენლობით და რესურსით შეძლო წარმატების მიღწევა.“

„არ გამოვრიცხავ, ლეგენდამ დაბრუნებების „ჰეთ-თრიკიც“ შეასრულოს და მთავარ მწვრთნელად კვლავ ვიხილოთ. ის ჯერ ძალიან ახალგაზრდაა და მრავალწლიანი სამწვრთნელო კარიერა აქვს წინ.“

„აზარს ვენდობი და მის კლასში დარწმუნებული ვარ. ბელგიელს მბაპეს პირობებშიც შეუძლია კონკურენციაში ყოფნა და საკთარი შესაძლებლობების გამოვლენა. არ ვიცი, როგორ განვითარდება ბელგიელის მომავალი.“