კილიან მბაპე UNFP-ს ვერსიით ლიგა 1-ის საუკეთესო ფრანგი ფეხბურთელი გახდა. ახალგაზრდა ფეხბურთელმა კარიერაში მესამედ დაიბევა აღნიშნული ჯილდო.

კავშირის მიერ ორგანიზებულ ღონისძიებაზე „პსჟ“-ს ფეხბურთელმა საინტერესო თემაზე ისაუბრა: „ახლა ვერაფერს გეტყვით სამომავლო გეგმებთან დაკავშირებით, მაგრამ ძალიან მალე გაიგებთ, ყველაფერი გადაწყვეტილია. 3 წლის წინ, აღნიშნულ გალაზე შევეხე ამ თემას, რაც შეცდომა იყო. არჩევანი უკვე გაკეთებული მაქვს და მალე გაცნობებთ.“

მბაპეს ჟურნალისტებმა ჰკითხეს, აპირებდა თუ არა კავანის („ლურჯების“ ისტორიაში საუკეთესო ბომბარდირი) რეკორდის გაუმჯობესებას: „პატივი უნდა ვცეთ ურუგვაელის მიღწევას, ეს უბრალოდ შეუდარებელია. პარიზული გრანდის რიგებში არა ერთ დიდებულ მოთამაშეს უასპარეზია. მე იმითაც ბედნიერი ვარ, რომ საუკეთესო მეგოლეთა სამეულში ვიმყოფები.“

როგორც კილიანმა დასძინა, შესაბამის განცხადებას ერთა ლიგის დაწყებამდე გამოაქვეყნებს.