კარიმ ბენზემას „კადისთან“ მატჩამდე გამართულ დასკვნით ვარჯიშზე მონაწილეობა არ მიუღია.

ესპანური მედიის ინფორმაციით, ფრანგი თავდამსხმელის ჯანმრთელობის მდგომარეობას არაფერი ემუქრება და ის უბრალოდ მწვრთნელის გადაწყვეტილების გამო უქმობდა. ანჩელოტიმ „ცხრიანს“ დასვენების საშუალება მისცა.

შედეგად, ბენზემა მონაწილეობას არ მიიღებს პრიმერა დივიზიონის 37-ე ტურის დაპირისპირებაში და მოედანს მხოლოდ მომდევნო უქმეებზე, „ბეტისთან“ შეხვედრაში დაუბრუნდება (ჩემპიონთა ლიგის ფინალამდე 1 კვირით ადრე).