დანი სებალიოსის მიერ სოციალურ ქსელში გამოქვეყნებულმა პოსტმა გულშემატკივრებში არაერთგვაროვანი რეაქცია გამოიწვია.

ესპანელმა ნახევარმცველმა „ინსტაგრამზე“ შეფუთული მუყაოს ყუთების ფოტო გაავრცელა შემდეგი სახელწოდებით: „ამაზე საშინელება არის რამე?“

ქომაგების აზრით, დანიელი ბარგს ალაგებს და „რეალის“ დატოვებისთვის ემზადება.

როგორც იცით, მას 2023 წლის 30 ივნისს ეწურება მოქმედი კონტრაქტი „რეალთან.“ მადრიდელების პოზიცია პრინციპულია - განახლება ან გაყიდვა. ისინი არ აპირებენ, რომ გაისად თავისუფალი აგენტის სტატუსით შეელიონ სებალიოსს, რომლის დამატების დიდ სურვილსაც „ბეტისი“ გამოთქვამს.