როდრიგო გოეშის პროგრესი მიმდინარე სეზონში მართლაც აშკარაა. კარლო ანჩელოტიმ ბრაზილიელი ფეხბურთელი კიდევ უფრო გახსნა, რაც ციფრებზეც აისახა...

მიმდინარე სეზონში გოეშმა 45 დაპირისპირებაში მიიღო მონაწილეობა, თუმცა ყველა შემთხვევაში სასტარტო შემადგენლობაში არ ყოფილა და მის ანგარიშზე 2215 წუთი ირიცხება.

ფეხბურთელმა 8 გოლისა და 7 საგოლე გადაცემის გაკეთება შეძლო და „მერენგებს“ ბევრ გადამწყვეტ მატჩში დაეხმარა.

აღსანიშნავია, რომ შარშან როდრიგოს ანგარიშზე 33 მატჩი და 1297 წუთი იყო, პირველ სეზონში კი 26 მატჩი და 1427 წუთი. როგორც ვხედავთ, ამ სეზონში შემტევმა დამატებით 800 წუთი ითამაშა, თუმცა სეზონის ბოლოს მისი მაჩვენებელი +1000 წუთიც იქნება.