აღსანიშნავია, რომ სამეფო კლუბის ფეხბურთელების ანგარიშზე ლა ლიგის მიმდინარე გათამაშებაში უკვე 79 გოლი ირიცხება. ამ მაჩვენებლით „მერენგებმა“ შარშანდელი და შარშანწინდელი შედეგები მნიშვნელოვნად გააუმჯობესეს...

შარშან ზინედინ ზიდანის დამოძღვრილმა გუნდმა ჯამში 67 გოლი გაიტანა და თითო მატჩი გატანილი გოლების კოეფიციენტი საკმაოდ დაბალი ჰქონდა. წლევანდელი სეზონის შედეგი 36-ე ტურის თავზე უკვე 12-ით აჭარბებს შარშანდელს, ხოლო 9-ით შარშანწინდელს, როდესაც გუნდს 70 ბურთიანი მაჩვენებელი ჰქონდა დაფიქსირებული.

„ბლანკოსს“ ლა ლიგის მიმდინარე სეზონში თითო მატჩში საშუალო 2.2 გოლი გააქვს, შარშან და შარშანწინ კი ეს სტატისტიკა თითო დაპირისპირებაში 2 ბურთთანაც არც იყო მიახლოვებული. ფაქტია, რომ ანჩელოტის ფორმაციაში ფეხბურთელებმა გაცილებით მეტი გოლის გატანა დაიწყეს.

ასევე აუცილებლად უნდა აღინიშნოს, რომ შეტევაში მნიშვნელოვანი მომატება და პროგრესი არ ასახულა დაცვაზე. მიუხედავად სერხიო რამოსის და რაფაელ ვარანის წასვლისა, გუნდს ლა ლიგის მიმდინარე სეზონის 36 მატჩში მხოლოდ 30 ბურთი აქვს გაშვებული, რაც იმას ნიშნავს, რომ მეტოქეები „ბლანკოსის“ კარის ბადეს თითო თამაშში 0.85-ჯერ არხევენ.