ხესუს ვალიეხომ მადრიდის „რეალისა“ და „ლევანტეს“ დაპირისპირება შეაფასა...

„პირველი წუთების შემდეგ გუნდი გახურდა და ნამდვილად ბრწყინვალე შთაბეჭდილება დატოვა, როგორც შეტევაში, ასევე დაცვაში. მოედანზე ყველაფერი გამოგვდიოდა და ქომაგებს უდიდესი სიამოვნება მივანიჭეთ. მწვრთნელი ყოველთვის გვეუბნება, რომ არ მოვეშვათ. დიახ, უკვე ჩემპიონები ვართ, მაგრამ წინ ფინალია, რომელსაც საუკეთესო ფორმაში უნდა შევხვდეთ.“

„ძალიან მადლიერი ვარ და მიხარია, რომ სამეფო კლუბის ღირსებას ვიცავ. ჩემთვის აქ ყოფნა დიდი პატივია. მხარდაჭერას ვგრძნობ მოედანზეც და მის გარეთ. ყოველთვის მზად ვარ, არენაზე გავიდე და კოლექტივს დახმარება გავუწიო.“

„დღევანდელ თამაშში ჩვენ ვაჩვენეთ დიდი მონდომება, კონცენტრაცია და ფიზიკა, სწორედ ეს გვჭირდება „ლივერპულის“ წინააღმდეგაც და მჯერა, რომ „რეალი“ ფინალს საოცრად ჩაატარებს.“