მადრიდის „რეალი“ 28 მაისს ჩემპიონთა ლიგის ფინალში მიიღებს მონაწილეობას. აღნიშნული დაპირისპირება პარიზში გაიმართება.

MundoDeportivo-ს ცნობით, „ლივერპულთან“ გადამწყვეტ დაპირისპირებამდე 3 დღით ადრე, „ბლანკოსის“ საწვრთნელი ბაზის კარი ადგილობრივი და საერთაშორისო ჟურნალისტებისათვის გაიღება, რომლებსაც საშუალება ექნებათ ანჩელოტის შეგირდების მზადების პროცესს დააკვირდნენ, ხოლო შემდეგ მათთან ინტერვიუები ჩაწერონ.