მადრიდში დარწმუნებულნი არიან, რომ სეზონის დასრულებისა და პარიზულ გრანდთან მოქმედი კონტრაქტის ამოწურვის შემდეგ, ფრანგი ფეხბურთელი ესპანეთის დედაქალაქისაკენ აიღებს გეზს.

ფლორენტინო პერესის სურვილია, არნახული დახვედრა მოუწყონ კილიან მბაპეს. აქამდე, „სანტიაგო ბერნაბეუს“ არა ერთი დიდი მოთამაშის პრეზენტაციის ადგილი გამხდარა. ყველაზე გამოსარჩევი კი 2009 წელს, კრიშტიანუ რონალდუს წარდგენა გამოდგა, რომელსაც 80 ათასამდე გულშემატკივარი ესწრებოდა.

გამომდინარე იქედან, რომ „რეალის“ საშინაო არენაზე განახლების სამუშაოები მიმდინარეობს, არსებული მომენტისათვის, მხოლოდ 60 ათასი ადგილია ხელმისაწვდომი და აღნიშნული რაოდენობა პრეზიდენტისათვის მისაღებ მასშტაბებს ვერ პასუხობს. შესაბამისად, კლუბში განიხილავენ მბაპეს წარდგენის ღონისძიების ორგანიზების შესაძლებლობას სხვა ლოკაციაზეც, მაგალითად, „ვალდებებასზე,“ ან „სიბელესზე.“

ალბათ, ეს ყველაფერი ვიღაცებისთვის უბრალოდ ფორმალურობაა, თუმცა არა დონ პერესისთვის.