36 წლის გილერმო ოჩოა „ამერიკას“ რიგებიდან მექსიკის ჩემპიონობისთვის იბრძვის.

„პუებლასთან“ ნამატჩევს ფეხბურთელმა კომენტარი გააკეთა: „ამ მომენტისათვის ჩემი ოცნებაა „ამერიკას“ რიგებში შიდა ჩემპიონატის მოგება, მექსიკის ნაკრებთან ერთად რაიმე სერიოზული შედეგის დაფიქსირება ყატარის მუნდიალზე და „რეალში“ თამაში. რატომაც არა? ჯერ არ ვაპირებ კარიერის დასრულებას.“

ოჩოას უკვე აქვს პრიმერა დივიზიონში ასპარეზობის გამოცდილება. სხვადასხვა სეზონების განმავლობაში, ის ჯერ „მალაგას“ ღირსებას იცავდა, ხოლო შემდეგ „გრანადას.“

შესაძლებელია, „ბლანკოსისთვის“ მართლაც საინტერესო გამოდგეს აღნიშნული ინიციატივა, ვინაიდან, გავრცელებული ინფორმაციის მიხედვით, ანდრეუ ლუნინი კლუბის დატოვებას აპირებს და შესაბამისად, ტიბო კურტუა დუბლიორის გარეშე დარჩება. გილერმო კი ნამდვილად მაღალი დონის კიპერია, რომელსაც ძალუძს ღირსეული ადგილის დაკავება ესპანეთის დედაქალაქში.