გერმანული Bild-ის ინფორმაციით, სამეფო კლუბი დიდად დაინტერესებულია „ბორუსიას“ შემტევით.

იუსუფა მუკოკო საკმაოდ ნიჭიერი და პერსპექტიული თავდამსხმელია. მიმდინარე სეზონში ის ახალგაზრდული გუნდიდან დააწინაურეს და ამ ეტაპისათვის, 15 შეხვედრას მოითვლის ბუნდეს ლიგაში. ამასთანავე, ის გახდა ყველაზე ახალგაზრდა მოთამაშე, რომელმაც ქვეყნის ჩემპიონატში მოახერხა გოლის გატანა.

17 წლის ფეხბურთელს დორტმუნდელებთან 2023 წლის 30 ივნისამდე აქვს დაკავშირებული მომავალი. გავრცელებული ინფორმაციით, „ყვითლები“ უკვე მუშაობენ აღნიშნული ხელშეკრულების განახლებაზე.

მიუხედავად ასაკისა, მუკოკოს ამჟამინდელი სატრანსფერო ღირებულება 20 მილიონი ევროს ფარგლებში მერყეობს.