დავიდ ალაბამ მთავარ მწვრთნელთან დაკავშირებით ისაუბრა გერმანულ Sport1-თან.

„რა თქმა უნდა, ყველა მწვრთნელი ვერ დაიტრაბახებს ანჩელოტის დარი მიღწევებით. იტალიელი დამრიგებლის მხრებზეა უზარმაზარი გამოცდილება, ბევრი ტიტული და არა ერთი ტოპ გუნდის გაწვრთნა. ვფიქრობ, მას უკვე ვეღარაფერი გაანცვიფრებს სამომავლოდ.“

„კარლო ყოველთვის სიმშვიდეს ინარჩუნებს, რაც მნიშვნელოვანია ჩვენთვის, ფეხბურთელებისათვის. ის საკმაოდ კეთილსინდისიერი ადამიანია. მას ძალიან კარგად ვეწყობი და ასე იყო „ბაიერნში“ ასპარეზობის დროსაც.“

„ბუნებრივია, ანჩელოტი ისეთივე მწვრთნელია, როგორიც ადრე იყო, მაგრამ ბოლო პერიოდის განმავლობაში გარკვეული ცვლილებები შეიტანა საფეხბურთო ფილოსოფიასა და ტაქტიკაში. მისი თაოსნობით „რეალის“ სამწვრთნელო შტაბი დიდებულად გვამზადებს თითოეული შეხვედრისათვის. თავს ბედნიერად ვგრძნობ. მიმდინარე სეზონი წარმატებული გამოდგა ჩვენთვის. პრიმერა დივიზიონი უკვე მოვიგოთ და ახლა ჩემპიონთა ლიგის ტრიუმფით დასრულებას ვაპირებთ.“