ესპანელი მცველი ტრავმირებულია.

დანი კარვახალს მადრიდულ დერბიში დასვენების საშუალება მიეცა, თუმცა მარჯვენა ფეხის ერთ-ერთ კუნთზე არსებული დისკომფორტის გამო, ის ვერც „ლევანტეს“ წინააღმდეგ დაეხმარება თანაგუნდელებს და დიდი ალბათობით, მომდევნო უქმეებზე, „კადისის“ წინააღმდეგაც საეჭვოა მისი ასპარეზობა.

COPE-ს ინფორმაციით, სამწვრთნელო შტაბის მიზანია, რომ „ორიანი“ 100 პროცენტით მზადყოფნაში შეხვდეს 28 მაისს გასამართ ფინალს. ისინი რისკზე წასვლას არ აპირებენ და პრიმერას დარჩენილ შეხვედრებში იმ შემთხვევაში მისცემენ დანის თავის გამოჩენის შანსს, თუ ბოლომდე მოასწრებს მწყობრში ჩადგომას.

რა თქმა უნდა, კარვახალის მოედანზე ყოფნა „ლივერპულთან“ ესოდენ ნიშანდობლივ დაპირისპირებაში, „რეალისათვის“ სასიცოცხლოდ მნიშვნელოვანია.