სამეფო კლუბის კაპიტანი იუბილარია, მას 34 წელი შეუსრულდა.

1988 წლის 12 მაისს დაბადებული მარსელოს დებიუტი „რეალის“ რიგებში 2007 წლის 7 იანვარს, „დეპორტივოს“ წინააღმდეგ შედგა. მას შემდეგ ბრაზილიელი მარცხენა მცველი მე-16 სეზონს ატარებს ესპანეთის დედაქალაქში. მის აქტივშია 545 ჩატარებული მატჩი და 38 გატანილი გოლი.

ცოტა ხნის წინ, მარსელო „ბლანკოსის“ ისტორიაში ყველაზე ტიტულოვანი ფეხბურთელი გახდა. ახლახანს მოგებული პრიმერა დივიზიონის მისთვის 24-ე ოქროს მედალი გამოდგა თეთრი მაისურით.

მარსელოს 30 ივნისს ეწურება მოქმედი კონტრაქტი და ამ ეტაპისათვის უცნობია, განიხილავს თუ არა „რეალი“ მასთან თანამშრომლობის განახლებას.