პრემიერ ლიგის 36-ე ტურში „ლივერპული“ ბირმინგემს ესტუმრა, სადაც ადგილობრივ „ასტონ ვილასთან“ გამართა შეხვედრა.

კლოპის შეგირდებმა მატჩის დებიუტშივე (მ-3 წუთზე) გაუშვეს გოლი, თუმცა ჟოელ მატიპის წყალობით მალევე მოახერხეს წონასწორობის აღდგენა. რაც შეეხება გამარჯვების მომტან დარტყმას, ის სადიო მანეს ანგარიშზეა (65-ე წუთზე).

აღსანიშნავია, რომ 30-ე წუთზე ტრავმა მიიღო ფაბინიომ. ამ უკანასკნელმა თამაშის გაგრძელება ვეღარ შეძლო და ამ ეტაპისთვის უცნობია, მიიღებს თუ არა მონაწილეობას შაბათს გასამართ „ფა“ თასის ფინალში „ჩელსის“ წინააღმდეგ.

„ლივერპულის“ შემადგენლობა აღნიშნულ შეხვედრაში: ალისონი, მატიპი, ვან დაიკი, ალექსანდრ-არნოლდი, ციმიკასი, კეიტა, ფაბინიო (ჰენდერსონი 30'), ჯოუნსი (ტიაგო 62'), დიასი (სალაჰი 72'), დიოგო ჟოტა და მანე;

ამრიგად, ინგლისის ჩემპიონატის დასრულებამდე 2 სათამაშო დღით ადრე, „მერსისაიდელები“ „მან.სიტის“ მსგავსად 86 ქულას მოითვლიან და ბურთების უარესი შეფარდების გამო, სატურნირო ცხრილის მეორე ადგილს სჯერდებიან. გვარდიოლას გუნდს 1 დაპირისპირება აქვს რეზერვში.