მადრიდის „რეალისა“ და საფრანგეთის ეროვნული ნაკრების ყოფილმა ფეხბურთელმა, კრისტიან კარემბეუმ, კარიმ ბენზემას შესახებ ისაუბრა.

„არსებული მომენტისათვის, კარიმი არის კლუბის ისტორიაში საუკეთესო „ცხრიანი.“ რა თქმა უნდა, განვლილი გზა ადვილი არ ყოფილა მისთვის. როდესაც „ბლანკოსში“ დაიწყო ასპარეზობა, მორატას, იგუაინისა და რონალდუს პირობებში უწევდა თამაში. ის ყოველთვის ჩრდილში იყო, მაგრამ მათი წასვლის შემდეგ, „რეალის“ მეგა ვარსკვლავად ჩამოყალიბდა. ბენზემა სრულყოფილი ფეხბურთელია, მან საუკეთესოებისგან ისწავლა.“

„ნაკრების რიგებში ბენზემასა და მბაპეს ტანდემი ბრწყინვალეა. ისინი შესანიშნავად შეუწყვილდნენ ერთმანეთს და ძალიან კარგად მოქმედებენ. ეს კი დიდ საფრთხეს უქმნის მეტოქეს. როცა მათ დუეტს ვუყურებ, მარადონა და ბურუჩაგა მახსენდება.“