ორშაბათს, ესპანელმა ჟურნალისტებმა კილიან მბაპე, რომლის „რეალში“ გადასვლის შესახებაც აქტიურად იწერება, მადრიდში შენიშნეს.

ფრანგი ვარსკვლავი თანაგუნდელ ჰაკიმისთან და კიდევ რამდენიმე პირთან ერთად რესტორან „ლენიაში“ იმყოფებოდა, ხოლო მოგვიანებით კი, სერხიო რამოსს სტუმრობდა. ანდალუსიელი მოთამაშე საკურ სახლში გაუმასპინძლდა მეგობრებს.

გავრცელებული ინფორმაციით, მაურისიო პოჩეტინომ ფეხბურთელებს ოთხშაბათამდე დასვენების საშუალება მისცა და ისინიც აქტიურად იყენებენ აღნიშნულ დღეებს.

მბაპემ სოციალურ ქსელში ფოტოც (სტატიაც რაც თან ერთვის - ავტ.) გამოაქვეყნა სათაურით - „დასვენება.“

ამასთანავე აღსანიშნავია, რომ გუშინ დედაქალაქში საქმიანი ვიზიტით იყო ჩასული „პსჟ“-ს მფლობელიც, თუმცა მისი და კილიანის გზები არ გადაკვეთილა.

რა თქმა უნდა, მბაპეს მოულოდნელ მადრიდულ ვოიაჟს დიდი გამოხმაურება მოჰყვა ადგილობრივ პრესაში.