ყოფილი კლუბის წინააღმდეგ ტიბო კურტუას დასვენების საშუალება მიეცა, თუმცა ის უსაქმოდ ნამდვილად არ ყოფილა.

„ატლეტიკოს“ მატჩის დაწყებამდე, გახურების პროცესში, ბელგიელი გოლკიპერი ანდრეი ლუნინს ავარჯიშებდა. გამომდინარე იქედან, რომ მეკარეების მწვრთნელი ლუის ლოპისი კორონავირუსის გამო იზოლაციაში იმყოფება, მისი ფუნქციები პირველმა ნომერმა შეითავსა.

კურტუა მიმდინარე სეზონში დიდებულად გამოიყურება. აქამდე, მას მხოლოდ „კოპა დელ რეის“ მატჩებში არ იყენებდა კარლო ანჩელოტი.