ფრანგული გამოცემების ცნობით, კილიან მბაპესა და მადრიდის „რეალს“ შორის საიმიჯო უფლებებზე სრული უთანხმოებაა...

ფრანგი ფეხბურთელი საიმიჯო უფლებების 100%-ს ითხოვს, ფლორენტინო პერესი კი მხოლოდ 50%-ზეა თანახმა, ვინაიდან მიიჩნევს, რომ ამ შემთხვევაში გუნდს ძალიან სერიოზული ფინანსური დანაკარგები ექნება.

ფრანგები ასევე იუწყებიან, რომ 2 წლიანი მოლაპარაკებების კვალდაკვალ, „ბლანკოსს“ არასდროს უხსენებია, რომ საიმიჯო უფლებების მხოლოდ 50%-ს დათმობდა, მადრიდში კი თვლიან, რომ ამაზე საუბრის დრო არასდროს ყოფილა, ვინაიდან კლუბის ისტორიაში არ არსებობს პრეცენდენტი, როდესაც რომელიმე მოთამაშე მსგავსი პრივილეგიების ესარგებლა.

100%-იანი საიმიჯო უფლება არ ჰქონიათ ბეილს, რონალდუს, ბექჰემს, რონალდო ნაზარიოს, ზიდანს, ფიგუს, ოუენს, კანავაროს და სხვა ვარსკვლავებს.

გავრცელებული ინფორმაციით, მბაპეს „პსჟ“-ს ამ მიმართულებით არანაირი პრობლემა არ აქვს. პარიზელები მზად არიან, ლოტინს 100%-იანი პაკეტი გადაულოცონ.

თუ „ბლანკოსი“ პოზიციას არ შეცვლის, ფეხბურთელი პარიზში დარჩება, როგორც სჩანს, ამ წინადადებამ ულტიმატუმის ხასიათი მიიღო.