კვირას, სამეფო კლუბი „ვანდა მეტროპოლიტანოზე“ თანაქალაქელ „ატლეტიკოს“ დაუპირისპირდება.

მიმდინარე სეზონში ანჩელოტის შეგირდები მეტად წარმატებულად და სტაბილურად ასპარეზობენ ესპანეთის ჩემპიონატში. პრიმერა დივიზიონის სატურნირო ცხრილის პირველი ათეულის გუნდებთან სტუმრად ასპარეზობის დროს, ისინი დაუმარცხებელნი არიან.

არსებული მომენტისათვის, „რეალი“ უკვე 8 სტადიონს სტუმრობდა, საიდანაც 7 მოგება წამოიღო და 1 ფრე. რიგში „როხიბლანკოს“ საშინაო არენაა.

მე-3 ტური: „ბეტისი“ 0-1 „რეალი“
მე-5 ტური: „ვალენსია“ 1-2 „რეალი“
მე-10 ტური: „ბარსელონა“ 1-2 „რეალი“
მე-16 ტური: „რეალ სოსიედადი“ 0-2 „რეალი“
21-ე ტური: „ატლეტიკი“ 1-2 „რეალი“
24-ე ტური: „ვილიარეალი“ 0-0 „რეალი“
32-ე ტური: „სევილია“ 2-3 „რეალი“
33 ტური: „ოსასუნა“ 1-3 „რეალი“

„ბლანკოსი“ უკვე ჩემპიონია და 81 ქულას მოითვლის, საიდანაც 41 გასვლაზე მოიპოვა, ხოლო 40 „სანტიაგო ბერნაბეუზე.“ ჩამოთვლილი პაექრობებიდან კი ყველაზე გამოსარჩევია „მესტალიასა“ და „სანჩეს პისხუანზე“ მოპოვებეული გამარჯვებები. ორივე შემთხვევაში დედაქალაქელებმა „ქამბექი“ ჩაიწერეს აქტივში.