„რეალთან“ დაპირისპირებამდე დიეგო სიმეონემ კიდევ ერთხელ აღნიშნა, რომ „ატლეტიკო“ ლა ლიგის ჩემპიონებისათვის საპატიო დერეფნის მოწყობას არ აპირებს.

„აღნიშნულთან დაკავშირებით კლუბმა უკვე გააკეთა ძალიან კარგი განცხადება. ჩვენ ვულოცავთ ჩემპიონობას „რეალს,“ მის მწვრთნელსა და ფეხბურთელებს. მათ დიდებული სამუშაოა გასწიეს. რა თქმა უნდა, დიდი პატივისცემა გვაქვს ამ გუნდის მიმართ, თუმცა გულშემატკივრების პოზიცია უფრო მნიშვნელოვანია „როხიბლანკოსთვის.“ შესაბამისად, საპატიო დერეფანი არ მოეწყობა.“

„შესაძლებელია „ბლანკოსი“ გადახალისებული შემადგენლობით გამოვიდეს მოედანზე, თუმცა მათი თამაშის სტრუქტურა და მიზნები იგივე იქნება. ანჩელოტი დიდებული დამრიგებელია, საკმაოდ ნათელი იდეებით.“